🚨 ब्रेकिंग: जळगाव जिल्ह्यातील १४ वाळू घाटांसाठी ई-लिलाव प्रक्रिया सुरू

हॅलो जनता न्यूज, जळगाव : जिल्ह्यातील वाळू घाटांच्या वापर व उत्खननासाठी अखेर प्रतिक्षित ई-निविदा आणि ई-लिलाव प्रक्रियेचा शुभारंभ झाला आहे. जिल्हाधिकारी कार्यालयाच्या गौण खनिज शाखेच्या वतीने २०२५-२०२६ या वर्षासाठी १४ वाळू घाटांच्या वापर, उत्खननासाठी ई-निविदा व ई-लिलाव प्रक्रियेची अधिसूचना जिल्हाधिकारी रोहन घुगे यांनी सोमवारी जारी केली.

या प्रक्रियेनुसार २८ ऑक्टोबर रोजी सकाळी १० वाजता ऑनलाईन नोंदणीस सुरुवात झाली असून, १० नोव्हेंबर २०२५ पर्यंत अर्ज करता येणार आहे. जिल्हा प्रशासनाने यासाठी सर्व आवश्यक आदेश जारी केले असून, इच्छुक ठेकेदारांनी निर्धारित वेळापत्रकानुसार सहभागी होण्याचे आवाहन करण्यात आले आहे.

जळगाव : ई-लिलाव प्रक्रियेचे वेळापत्रक

• नोंदणीसाठी अंतिम तारीख: १० नोव्हेंबर
• तांत्रिक निविदांची छाननी: ११ नोव्हेंबर
• आर्थिक निविदा उघडण्याची तारीख: १२ नोव्हेंबर
• ई-अॅक्शन (लिलाव) प्रक्रिया: १३ नोव्हेंबर
• अंतिम निकाल व आदेश: १४ नोव्हेंबर

या संपूर्ण प्रक्रियेसाठी ३० ऑक्टोबर रोजी जिल्हाधिकारी कार्यालयात बैठक आयोजित करण्यात आली आहे. यामध्ये जिल्हा प्रशासन, महसूल विभाग, खनिज शाखा आणि संबंधित अधिकाऱ्यांची उपस्थिती राहणार आहे.

नदी निहाय वाळू घाटांची यादी

१) गिरणा नदी – दोनगाव खुर्द-१, चमगाव, निंभोरे, चोरगाव, लाडली (तालुका धरणगाव)

२) कांग नदी – टाकरखेडा (तालुका जामनेर)

३) तापी नदी – दापोरी, सावखेडा, नालखेडा, गंगापुरी, मुंगसे (तालुका अमळनेर), वाळकी, तांदुळवाडी, तोंडवाडे (तालुका चोपडा)

जळगाव जिल्हाधिकाऱ्यांचे आवाहन

जिल्हाधिकारी रोहन घुगे यांनी सांगितले की, “वाळू घाटांच्या ई-लिलाव प्रक्रियेतील पारदर्शकता राखण्यासाठी सर्व प्रक्रिया ऑनलाइन माध्यमातून राबवण्यात येत आहे. इच्छुकांनी निश्चित वेळेत अर्ज करून सहभागी व्हावे. कोणत्याही अनधिकृत उत्खननाविरुद्ध कठोर कारवाई केली जाईल.” या लिलाव प्रक्रियेमुळे जिल्हा परिषदेला आणि महसूल विभागाला अपेक्षित महसूल प्राप्त होणार असून, अधिकृत माध्यमातून वाळू उपलब्ध झाल्याने बांधकाम व्यावसायिक आणि नागरिकांनाही दिलासा मिळणार आहे.

इतर महत्वाच्या बातम्या…

🚨 पोकरा योजना : नानाजी देशमुख कृषी संजीवनी प्रकल्प (पोकरा टप्पा २) भरती प्रक्रिया सुरू!

🚨आमदार किशोर पाटील यांच्या वाढदिवसानिमित्त मोफत सामान्य ज्ञान स्पर्धा

🚨 जळगाव ब्रेकिंग : मुख्यमंत्र्यांची मध्यस्थी, अखेर महापालिकेतील “त्या” ७ नगरसेवकांचा प्रवेश निश्चित..