🚨 पोकरा योजना : नानाजी देशमुख कृषी संजीवनी प्रकल्प (पोकरा टप्पा २) भरती प्रक्रिया सुरू!

हॅलो जनता न्यूज, मुंबई – राज्यातील शेतकऱ्यांसाठी बहुप्रतीक्षित असलेल्या नानाजी देशमुख कृषी संजीवनी प्रकल्प (पोकरा) टप्पा २ अंतर्गत अखेर पदभरती प्रक्रिया सुरू झाली आहे. जवळपास वर्षभरापासून ही योजना पदभरतीअभावी ठप्प होती. आता शासनाने भरतीला हिरवा कंदील दाखवल्याने प्रकल्पाच्या प्रत्यक्ष अंमलबजावणीला गती मिळण्याची शक्यता आहे.

पोकरा योजना : प्रकल्पाचा उद्देश

शेतकऱ्यांची उत्पादनक्षमता वाढविणे आणि टिकाऊ शेती पद्धतींना चालना देण्यासाठी हा प्रकल्प जागतिक बँकेच्या अर्थसाहाय्याने राबविण्यात येत आहे. या प्रकल्पाचा एकूण अंदाजित खर्च सहा हजार कोटी रुपये आहे.

पोकरा योजना : एकूण पदे

राज्यातील प्रकल्प व्यवस्थापन कक्ष, जिल्हा, उपविभाग आणि समूह स्तरावर एकूण १,०८२ पदांसाठी भरती प्रक्रिया सुरू करण्यात आली आहे. प्रकल्प सहायक, समूह सहायक, लेखापाल, कृषी सल्लागार, नोडल अधिकारी, प्रशासकीय सहायक आदी विविध पदांचा या भरतीत समावेश आहे. या प्रकल्पासाठी राज्यातील २१ जिल्ह्यांतील ७,२०१ गावांची निवड करण्यात आली आहे.

पोकरा योजना: अर्ज करण्याच्या अंतिम तारखा

• प्रकल्प व्यवस्थापन कक्षातील पदांसाठी : २४ ऑक्टोबर २०२५
• जिल्हा, उपविभाग व समूह स्तरावरील पदांसाठी : ३१ ऑक्टोबर २०२५

संबंधित उमेदवारांनी शासनाने जाहीर केलेल्या अधिकृत पोर्टलवरून ऑनलाइन अर्ज करावेत.ग्रामीण भागातील शेतकऱ्यांसाठी आशेचा किरण ठरणारा ‘पोकरा टप्पा २’ प्रकल्प आता नव्या उर्जेसह पुढे सरकण्यास सज्ज झाला आहे.

इतर महत्वाच्या बातम्या…

🚨आमदार किशोर पाटील यांच्या वाढदिवसानिमित्त मोफत सामान्य ज्ञान स्पर्धा

🚨 जळगाव ब्रेकिंग : मुख्यमंत्र्यांची मध्यस्थी, अखेर महापालिकेतील “त्या” ७ नगरसेवकांचा प्रवेश निश्चित..

🚨 पाचोरा ब्रेकिंग : पक्षनिष्ठांपेक्षा स्वच्छ प्रतिमेच्या उमेदवारांनाच प्राधान्य द्यावे, जनतेची सर्व पक्षांकडून अपेक्षा