💥 ब्रेकिंग : पैसा किंवा खुर्चीसाठी मी पक्ष सोडला नाही, वैशाली सूर्यवंशी यांनी पत्रकार परिषदेत केला खुलासा…

हॅलो जनता न्यूज, पाचोरा (गजानन गिरी) – ठाकरे गटाला सोडचिठ्ठी देत भाजपमध्ये प्रवेश केलेल्या ठाकरे गटाच्या नेत्या वैशाली सूर्यवंशी यांनी आज पत्रकार परिषद घेऊन आपल्या निर्णयामागील कारणे स्पष्ट केली. या वेळी माजी आमदार दिलीप वाघ, भाजपाचे जिल्हा उपाध्यक्ष मधुकर काटे यांच्यासह भाजप पदाधिकारी व कार्यकर्ते मोठ्या संख्येने उपस्थित होते.

वैशाली सूर्यवंशी म्हणाल्या की, “पैसा किंवा खुर्ची साठी मी पक्ष प्रवेश केला नाही. मी पळून जाऊन शिवसेना (उद्धव बाळासाहेब ठाकरे गट) सोडलेली नाही. पद नसतानाही मी पक्षाची जबाबदारी निभावली, कार्यकर्त्यांना सांभाळले. उत्तर महाराष्ट्रात वातावरण प्रतिकूल असतानाही मी पक्षाला साथ दिली. त्यामुळे माझ्यावर गद्दारीचा आरोप होऊ शकत नाही.”

त्या पुढे म्हणाल्या, “मी पक्षप्रमुख उद्धव ठाकरे यांची प्रत्यक्ष भेट घेतली, त्यांच्याशी दोन तास चर्चा केली आणि खरी परिस्थिती स्पष्ट केली. या चर्चेत संजय सावंत देखील उपस्थित होते. कुठेही काही लपवून न ठेवता मी निर्णय घेतला आहे. माझी निष्ठा खुर्चीशी नाही तर जनतेशी आहे. कार्यकर्त्यांशी चर्चा करून, समाजसेवेच्या हेतूनेच मी भाजपमध्ये प्रवेश करण्याचा निर्णय घेतला.”

सूर्यवंशी यांनी आपल्या कुटुंबाच्या राजकीय वारशाची आठवण करून दिली. “माझे वडील महायुतीचे आमदार होते. त्यांनी केलेली कामे आजही जनतेला लक्षात आहेत. त्याच वारशाला पुढे नेण्यासाठी मी भाजपमध्ये प्रवेश केला. दोन कुटुंबे आता मिळून एक मोठे कुटुंब झाले आहे. तात्यासाहेबांना अभिमान वाटेल असे काम करण्याचा मी नक्की प्रयत्न करणार आहे,” असे त्या म्हणाल्या.

वैशाली सूर्यवंशी : मला कोणतीही नोटीस आलेली नाही..

पत्रकारांच्या प्रश्नांना उत्तर देताना वैशाली सूर्यवंशी यांनी स्पष्ट केले की, “मला कोणतीही नोटीस आलेली नाही. मला कोणत्याही यंत्रणेची भीती नाही. माझा दोन नंबरचा व्यवसाय नाही, मी चुकीचे काम करत नाही. त्यामुळे प्रवेशासाठी दबाव किंवा प्रलोभन मला मिळाले नाही. मला मोठे पद देण्यात येणार असल्याची चर्चा देखील चुकीची आहे. मी शिवसेनेत पद घेतले नव्हते, त्यामुळे भाजपमध्येही पदासाठी नाही तर समाजकारणासाठी काम करणार आहे.”

भाजपमध्ये प्रवेशानंतर आपली नवीन इनिंग सुरू झाल्याचे सांगत त्यांनी मंत्री गिरीश महाजन व आमदार मंगेश चव्हाण यांच्या सहकार्याबद्दल कृतज्ञता व्यक्त केली. “भाजपने जी जबाबदारी दिली, त्यासाठी मी अॅक्टिव्हपणे काम करेन,” असे त्यांनी सांगितले. यावेळी उपस्थित कार्यकर्त्यांनी त्यांच्या निर्णयाचे स्वागत केले असून पाचोरा-भडगाव मतदारसंघातील राजकारणात या प्रवेशामुळे मोठी हालचाल होण्याचे संकेत मिळत आहेत.

इतर महत्वाच्या बातम्या…

💥 ब्रेकिंग : लाडकी बहीण योजनेसंदर्भात मोठी अपडेट, यांच्यावर होणार कारवाई

💥 ब्रेकिंग : जळगावात कृषी विभाग ॲक्शन मोडवर : १९ कृषी परवान्यांचे निलंबन

💥 ब्रेकिंग : ठाकरे गटाच्या नेत्या वैशाली सूर्यवंशी यांचा शेकडो कार्यकर्त्यांसह भाजपमध्ये भव्य प्रवेश