हॅलो जनता न्यूज, प्रतिनिधी – राज्यातील सामाजिक न्याय विभागाच्या कामकाजावरून शिवसेना मंत्री संजय शिरसाट आणि भाजपच्या राज्य मंत्री माधुरी मिसाळ यांच्यात निर्माण झालेल्या वादावर उपमुख्यमंत्री देवेंद्र फडणवीस यांनी हस्तक्षेप करत दोघांनाही समज दिली आहे. “एखादी अडचण असेल तर थेट माझ्याकडे या, लेटर वॉर मध्ये अडकू नका,” अशी स्पष्ट सूचना फडणवीस यांनी नागपुरात पत्रकारांशी बोलताना दिली.

मला २०१४ मध्ये राज्य मंत्रीपद कसे मिळाले, गुलाबराव पाटलांनी भर भाषणात सांगितला किस्सा…👇

लेटर बॉम्ब : काय आहे प्रकरण?

माधुरी मिसाळ यांनी संबंधित विभागाच्या अधिकाऱ्यांसोबत एक विभागीय बैठक घेतली. यावर संजय शिरसाट यांनी त्यांना पत्र (लेटर वॉर) लिहून जाब विचारला की, त्यांनी अधिकृत परवानगीशिवाय बैठक का घेतली? तसेच विभागीय निर्देश देण्याचा अधिकार त्यांच्याकडे नाही, असा दावा त्यांनी केला.

यावर प्रत्युत्तर देताना मिसाळ यांनी स्पष्ट केलं की, त्या राज्य मंत्री म्हणून स्वतःच्या अधिकार क्षेत्रातच काम करत आहेत. तसेच त्यांनी आपल्या अधिकारांच्या संदर्भात मुख्यमंत्र्यांच्या कार्यालयाकडे (CMO) लेखी स्पष्टीकरणही मागितले आहे.

लेटर वॉर : फडणवीसांचे स्पष्ट मत

फडणवीस म्हणाले, “कोणालाही लेटर वॉर करू नये. मंत्र्यांनी एकमेकांशी बोलून प्रश्न सोडवावेत. जर काही अडचण असेल, तर ती माझ्याकडे मांडावी. शेवटी राज्य मंत्री आणि कॅबिनेट मंत्री दोघंही एकाच सरकारचा भाग आहेत.”

फडणवीस पुढे म्हणाले, “राज्य मंत्र्यांना बैठक घेण्याचा अधिकार आहे. मात्र अशा बैठकीत कोणतेही धोरणात्मक निर्णय घेतले जात असतील, तर ते संबंधित कॅबिनेट मंत्र्यांच्या सल्ल्याने किंवा त्यांच्या मान्यतेनेच व्हावेत. अन्यथा गोंधळ होऊ शकतो.”

इतर महत्वाच्या बातम्या ..

💥 ब्रेकिंग : शिधा पत्रिका ई-केवायसी नोंदणीसाठी मुदतवाढ; नाहीतर रेशन कार्ड होणार रद्द..

💥 ब्रेकिंग : जावयाला अटक झाल्यानंतर एकनाथ खडसे यांची पहिली प्रतिक्रिया म्हणाले ….

💥 ब्रेकिंग : विजेचा शॉक लागून विवाहितेचा मृत्यू अन् सासरच्यांनी काढली कणकीच्या बाहुलीची प्रतिकात्मक अंत्ययात्रा, भुसावळमध्ये नेमके काय सुरू आहे.