हॅलो जनता न्यूज, जळगाव – चाळीसगाव शहरात रासायनिक खतांचा काळाबाजार सुरू असून कृषी विभाग लक्ष देत नसल्याचे दिसून येत आहे. २६६ रुपये मूळ किंमत असलेला युरिया ३०० ते ३५० रुपयांना देऊन शेतकरी लुबाडण्याचा प्रकार राजरोसपणे सुरू आहे. विशेष म्हणजे आम्ही चढ्या भावाने खते विकतो असा कबुली जवाब देखील दुकानदार देत असल्याची माहिती शेतकऱ्यांनी दिली आहे. पिकांची समाधानकारक वाढ झाल्याने आता खतांचा डोस देणे गरजेचे आहे त्यामुळे खतांची मागणी वाढल्याने विक्रेते फायदा घेत असल्याचा प्रकार समोर आला आहे.

आधीच शेतकरी दुष्काळाच्या झळा सोसंत असून तुरळक पाऊस पडला असला तरी शेतकरी पिके जगवण्यासाठी तारेवरची कसरत करत असतांना चढ्या भावाने खते विकून शेतकरी लुबाडण्याचा उद्योग काही दुकानदार करत आहेत. विशेष म्हणजे दुकानदार कुणाला घाबरत देखील नाही. थैली मागे राजरोसपणे ६० ते १०० रुपये जास्तीची घेतो हमाली गाडी भाडे आम्ही देतो म्हणून ३०० रुपये बॅग घेतो असे राजरोसपणे सांगताना एक दुकानदार केमेऱ्यात कैद झाला आहे. कृष्णा जाधव म्हणून शेतकऱ्याने याबाबत तक्रार देखील केली आहे.

चाळीसगाव : तक्रार केल्यास दुकानदारांवर कारवाई

कृषी अधिकारी संजय चव्हाण रजेवर आहेत. त्यांनी यावर कारवाईसाठी गुणवत्ता नियंत्रण अधिकारी यांची निवड केली असून ज्योती कडू यांच्याकडे चार्ज असल्याचे स्पष्ट केले. ज्योती कडू यांना विचारणा केली असता एमआरपीपेक्षा अधिक दराने कुणीही खते, बी-बियाणे विक्री करू शकत नाही, जर कोणी करीत असतील तशी तक्रार शेतकऱ्यांनी केल्यास दुकानदारांवर कारवाई केली जाईल, असे ज्योती कडू यांनी सांगितले. याबाबत शेतकऱ्यांनी माहिती द्यावी असे आवाहन केले आहे.

चाळीसगाव : कृषी विभागाकडून कारवाईच नाही

एमआरपी म्हणजे मॅक्सीमम रिटेल प्राईज याचा अर्थ जास्तीत जास्त किरकोळ किंमत म्हणजे त्यात दुकानदाराची हमाली, भाडे, नफा सर्व जोडून झालेली किमत शासनाने युरियाची किमत २६६ रुपये इतकी ठरवली आहे. एमआरपीपेक्षा जास्त दराने दुकानदार कुठल्याही ग्राहकाला वस्तू अथवा माल विक्री करू शकत नाही, असे असतांना चढ्या भावाने खते विक्री होत आहे. तालुका कृषी अधिकारी आणि पंचायत समितीचे कृषी अधिकारी यावर कारवाई करीत नसल्याने शेतकरी नाईलाजाने चढ्या भावाने खते घेत असल्याचे समोर आले आहे.

चाळीसगाव : कृषी अधिकाऱ्यांच्या भूमिकेवर प्रश्नचिन्ह

हा सर्व प्रकार कृषि विभागाच्या नाकावर टिच्चून होत असताना कुठलीही कारवाई होत नसल्याने तालुका कृषी अधिकारी यांच्या भूमिकेवर प्रश्नचिन्ह निर्माण झाले आहे. तालुक्यात आता समाधान कारक पाऊस झाला असून खतांचा दुकानावर गर्दी वाढली आहे. पिके तरारली आता त्यांना खतांची मात्रा द्यावी लागणार असल्याने शेतकरी खतांचा खरेदीकडे वळला असून त्यांचे असे आर्थिक शोषण काही दुकानदार करीत असतील तर हा गैर कारभार रोखेल कोण ? असा प्रश्न आता उपस्थित होत आहे.

इतर महत्वाच्या बातम्या…

💥ब्रेकिंग : AI चा दणका, नामांकित कंपनींच्या १२ हजार कर्मचाऱ्यांच्या नोकऱ्या जाणार…

💥ब्रेकिंग : किडा चावल्यास तात्काळ “हा” उपाय करा, लगेच मिळेल आराम…

🚨 ब्रेकिंग : पुणे रेव्ह पार्टी प्रकरणात नवा ट्विस्ट, पतीला वाचवण्यासाठी रोहिणी खडसे रिंगणात अन्..