🚨 ब्रेकिंग : आमदार किशोर पाटील यांचा भडगावच्या विकासासाठी मास्टरस्ट्रोक, उपनगराध्यक्ष पदी राजेंद्र पाटील….

desk5 days ago

0 1,251 1 minute read

हॅलो जनता न्यूज, भडगाव – नुकत्याच पार पडलेल्या भडगाव नगरपरिषद सार्वत्रिक निवडणूक २०२५ मध्ये शिवसेना (शिंदे गट) ने घवघवीत यश संपादन करत भडगाव नगरपरिषदेवर आपली सत्ता प्रस्थापित केली आहे. आमदार किशोर पाटील यांच्या सक्षम नेतृत्वाखाली व प्रभावी मार्गदर्शनाखाली शिवसेनेचा भगवा भडगाव नगरपालिकेवर फडकला असून, शहराच्या राजकारणात शिवसेनेची ताकद पुन्हा एकदा अधोरेखित झाली आहे.

या निवडणुकीत शिवसेना (शिंदे गट) च्या उमेदवार रेखा मालचे यांनी नगराध्यक्ष पदासाठी बाजी मारत लोकनियुक्त नगराध्यक्षपदी निवड मिळवली आहे. त्यांच्या विजयामुळे शिवसेना कार्यकर्ते व समर्थकांमध्ये मोठ्या उत्साहाचे वातावरण निर्माण झाले असून, शहरात जल्लोषाचे दृश्य पाहायला मिळाले.

भडगाव नगरपालिका : राजेंद्र महादू पाटील उपनगराध्यक्षपदी…

दरम्यान, भडगावचे माजी नगराध्यक्ष तथा अनुभवी नगरसेवक राजेंद्र महादू पाटील हे प्रभाग क्रमांक १० मधून मोठ्या मताधिक्याने निवडून आले आहेत. नगरपालिकेतील प्रशासकीय कामकाजाचा प्रदीर्घ अनुभव लक्षात घेता, आमदार किशोर पाटील यांनी त्यांची भडगाव नगरपालिकेच्या उपनगराध्यक्षपदी निवड केल्याची माहिती समोर आली आहे.

राजेंद्र पाटील यांना नगरपालिकेच्या कामकाजाचा सखोल अनुभव असून, यापूर्वी त्यांनी नगराध्यक्ष म्हणून यशस्वीपणे जबाबदारी सांभाळली आहे. त्यांच्या निवडीमुळे नगरपालिकेतील निर्णयप्रक्रियेला गती मिळणार असून, शहराच्या विकासकामांना चालना मिळेल, असा विश्वास व्यक्त केला जात आहे.

भडगाव शहराचे विकासाला चालना मिळणार….

या विजयामुळे शिवसेना (शिंदे गट) ने भडगावमध्ये आपले संघटन अधिक मजबूत केल्याचे स्पष्ट झाले असून, आगामी काळात शहराच्या पायाभूत सुविधा, नागरी सोयी-सुविधा, पाणीपुरवठा, स्वच्छता, रस्ते व विकासकामांवर भर दिला जाईल, असे संकेत पक्षाच्या नेत्यांकडून देण्यात आले आहेत. शिवसेनेच्या या ऐतिहासिक विजयाने भडगावच्या राजकारणात नवे समीकरण तयार झाले असून, आमदार किशोर पाटील यांच्या नेतृत्वाखाली शहराचा सर्वांगीण विकास साधला जाईल, अशी अपेक्षा नागरिकांकडून व्यक्त होत आहे.

इतर महत्वाच्या बातम्या…

भडगावच्या राजकारणात ‘रेखाताईं’चा नवा अध्याय ; हिंद लोक चळवळीच्या वतीने जाहीर सत्कार.

ब्रेकिंग: जळगाव महापालिका निवडणुकीत महायुतीत तिढा कायम, राष्ट्रवादीचा इतक्या जागांचा प्रस्ताव….

ब्रेकिंग : नवनिर्वाचित अपक्ष नगरसेवकाचा शिवसेना शिंदे गटात जाहीर प्रवेश, भडगावात खळबळ….