🚨 ब्रेकिंग : उपमुख्यमंत्री एकनाथ शिंदे यांचा जळगाव दौरा रद्द; गुलाबराव पाटील यांच्या उपस्थितीत रोड शो

desk6 days ago

0 134 1 minute read

हॅलो जनता न्यूज, जळगाव प्रतिनिधी – जळगाव महानगरपालिका निवडणुकीच्या पार्श्वभूमीवर आज जळगाव शहरात उपमुख्यमंत्री तथा शिवसेना प्रमुख एकनाथ शिंदे यांचा भव्य रोड शो आयोजित करण्यात आला होता. शिवसेना (शिंदे गट)च्या उमेदवारांसाठी हा दौरा अत्यंत महत्त्वाचा मानला जात होता. मात्र काही अपरिहार्य कारणांमुळे उपमुख्यमंत्री एकनाथ शिंदे यांचा जळगाव दौरा अचानक रद्द करण्यात आल्याची माहिती समोर आली आहे.

या दौऱ्यासाठी शहरात मोठ्या प्रमाणावर तयारी करण्यात आली होती. रोड शोच्या मार्गावर ठिकठिकाणी स्वागत कमानी, बॅनर्स, झेंडे लावण्यात आले होते. कार्यकर्त्यांमध्ये मोठा उत्साह पाहायला मिळत होता. मात्र दौरा रद्द झाल्याची माहिती मिळताच काहीशी नाराजी व्यक्त होत असतानाच शिवसेनेने प्रचारात कोणताही खंड पडू दिला नाही. उपमुख्यमंत्री एकनाथ शिंदे यांच्या अनुपस्थितीत पालकमंत्री तथा जलसंपदा मंत्री गुलाबराव पाटील यांच्या प्रमुख उपस्थितीत नियोजित रोड शोला सुरुवात करण्यात आली. यावेळी आमदार चंद्रकांत सोनवणे शिवसेनेचे जिल्हाप्रमुख विष्णू भंगाळे यांच्यासह सर्व प्रमुख पदाधिकारी नगरसेवक पदाची उमेदवारांची उपस्थिती होती.

रोड शोदरम्यान गुलाबराव पाटील यांनी महायुती सरकारच्या माध्यमातून जळगाव शहरात राबविण्यात आलेल्या विकासकामांची माहिती दिली. “मुख्यमंत्री एकनाथ शिंदे यांच्या नेतृत्वाखाली राज्यात सर्वसामान्यांच्या हिताचे निर्णय घेण्यात आले असून जळगाव शहराच्या विकासासाठी सरकार कटिबद्ध आहे,” असे त्यांनी सांगितले. शिवसेना उमेदवारांना मोठ्या मताधिक्याने विजयी करण्याचे आवाहनही त्यांनी यावेळी केले.

दरम्यान, उपमुख्यमंत्री एकनाथ शिंदे यांचा दौरा पुढील काही दिवसांत नव्याने नियोजित करण्यात येईल, अशी माहिती पक्षाच्या सूत्रांकडून देण्यात आली आहे. दौरा रद्द झाला असला तरी शिवसेनेच्या प्रचारात कोणतीही शिथिलता नसून महायुतीच्या नेत्यांकडून जोरदार प्रचार सुरू असल्याचे चित्र जळगाव शहरात पाहायला मिळत आहे.

इतर महत्वाच्या बातम्या…

भडगाव येथे पत्रकार दिनानिमित्त बक्षीस वितरण व सत्कार समारंभ उत्साहात संपन्न.

🚨 ब्रेकिंग : जळगाव महापालिका निवडणूक, प्रभाग क्रमांक ११ चे उमेदवार निता सांगोळे यांना समाजबांधवांचा उत्स्फूर्त पाठिंबा

🚨 ब्रेकिंग : शहीद सीआरपीएफ जवान अनिल बोरसे यांच्यावर खेडगाव नंदीचे येथे शासकीय इतमामात अंत्यसंस्कार