🚨 ब्रेकिंग : मंत्री छगन भुजबळ यांना छातीत दुखल्याने रुग्णालयात दाखल, हॉस्पिटलमध्ये उपचार सुरू

desk28 seconds ago

0 1 1 minute read

हॅलो जनता न्यूज, मुंबई – राज्याच्या राजकारणातून मोठी आणि चिंताजनक बातमी समोर आली आहे. राज्याचे अन्न व नागरी पुरवठा मंत्री छगन भुजबळ यांना आज अचानक छातीत दुखू लागल्याने त्यांना मुंबईतील जसलोक रुग्णालयात तातडीने दाखल करण्यात आले आहे. डॉक्टरांच्या पथकाकडून सध्या त्यांच्या आरोग्यावर सर्वतोपरी लक्ष ठेवण्यात येत असून वैद्यकीय उपचार सुरू आहेत.

सकाळपासून छातीत दुखत असल्याची तक्रार भुजबळ यांनी आपल्या परिवाराला सांगितल्यानंतर त्यांना तातडीने रुग्णालयात नेण्यात आले. प्राथमिक तपासणीत डॉक्टरांनी आवश्यक चाचण्या सुरू केल्या असून, भुजबळ यांच्या हृदयविकाराशी संबंधित तपासण्या करण्यात येत असल्याची माहिती सूत्रांकडून मिळत आहे.

दरम्यान, भुजबळ यांच्या प्रकृतीची माहिती मिळताच राज्यातील अनेक राजकीय नेते, मंत्री आणि आमदारांनी रुग्णालयाशी संपर्क साधण्याचा प्रयत्न केला आहे. त्यांच्या आरोग्याविषयी अधिकृत वैद्यकीय बुलेटिन अद्याप जाहीर झालेले नाही. भुजबळ हे गेल्या काही दशकांपासून राज्याच्या राजकारणातील प्रभावी आणि अनुभवी नेते म्हणून ओळखले जातात. त्यांच्या अचानक रुग्णालयात दाखल होण्याच्या बातमीने एनसीपी कार्यकर्ते तसेच त्यांच्या समर्थकांमध्ये चिंतेचे वातावरण निर्माण झाले आहे.

रुग्णालय प्रशासनाकडून लवकरच भुजबळ यांच्या प्रकृतीविषयी अधिकृत माहिती प्रसिद्ध होण्याची शक्यता असून, सर्वांचे लक्ष आता त्या अहवालाकडे लागले आहे.

इतर महत्वाच्या बातम्या…

🚨 ब्रेकिंग: जळगाव जिल्ह्यातील १४ वाळू घाटांसाठी ई-लिलाव प्रक्रिया सुरू

🚨 पोकरा योजना : नानाजी देशमुख कृषी संजीवनी प्रकल्प (पोकरा टप्पा २) भरती प्रक्रिया सुरू!

🚨आमदार किशोर पाटील यांच्या वाढदिवसानिमित्त मोफत सामान्य ज्ञान स्पर्धा