🚨 ब्रेकिंग : भाजपाच्या लोकनियुक्त नगराध्यक्ष पदाच्या उमेदवार साधना चौधरी यांनी बजावला मतदानाचा हक्क…

हॅलो जनता न्यूज, चोपडा │ चोपडा नगरपरिषदेच्या सार्वत्रिक निवडणुकीची मतदान प्रक्रिया आज शांततेत पार पडत असून शहरातील अनेक मतदान केंद्रांवर सकाळपासूनच मतदारांची उत्स्फूर्त गर्दी पाहायला मिळत आहे. नागरिकांमध्ये मतदानाविषयी मोठा उत्साह दिसून येत आहे.

भाजपच्या नगराध्यक्ष पदाच्या अधिकृत उमेदवार साधना चौधरी यांनी आज आपल्या कुटुंबासह मतदानाचा हक्क बजावला. मतदान केंद्रावर पोहोचताच नागरिकांनी त्यांचे स्वागत केले. मतदान केल्यानंतर माध्यमांशी बोलताना साधना चौधरी यांनी सर्वप्रथम चोपडा शहरातील मतदारांना आवाहन केले की, “लोकशाही बळकट होण्यासाठी प्रत्येकाने मतदान करणे अत्यंत आवश्यक आहे. आपला एक मत शहराच्या विकासाचा मार्ग निश्चित करू शकतो, त्यामुळे सर्वांनी मतदान करावे.”

यावेळी त्या म्हणाल्या की, “चोपड्याची जनता सुज्ञ आहे. 100% विकासाच्या मागे उभी राहील, असा मला पूर्ण विश्वास आहे. भाजपच्या सर्व उमेदवारांना मोठ्या मताधिक्याने विजय मिळेल यात शंका नाही.” शहराच्या सर्वांगीण विकासासाठी भाजपने आखलेले धोरण आणि कामांची दिशा नागरिकांचा आशीर्वाद मिळवेल असा विश्वास साधना चौधरी यांनी व्यक्त केला.

यादरम्यान मतदान प्रक्रिया सुरळीत पार पाडण्यासाठी पोलिस प्रशासन आणि निवडणूक अधिकाऱ्यांनी काटेकोर बंदोबस्त ठेवला असून कोणताही अनुचित प्रकार घडू नये यासाठी सतर्कता बाळगण्यात येत आहे. दुपारपर्यंत अनेक प्रभागांमध्ये चांगल्या प्रमाणात मतदान झाल्याची माहिती प्रशासनाकडून देण्यात आली आहे.

शहरातील वातावरण निवडणूक उत्साहाने भारलेले असून संध्याकाळपर्यंत अधिकाधिक नागरिक मतदानासाठी बाहेर पडतील, अशी अपेक्षा व्यक्त होत आहे.

इतर महत्त्वाच्या बातम्या…

ब्रेकिंग : भाजपाच्या लोकनियुक्त नगराध्यक्ष पदाच्या उमेदवार साधना चौधरी यांनी बजावला मतदानाचा हक्क…

चोपडा ब्रेकिंग : प्रभाग क्र ९ मध्ये जनतेच ठरलं राज्यात देवंद्र चोपड्यात नरेंद्र

भडगाव ब्रेकिंग : आमदार किशोर पाटील यांचा नगरपालिका निवडणुकीआधी भाजपला मोठा धक्का..