🔴 पाचोरा ब्रेकिंग : आमदार किशोर पाटील यांच्या वाढदिवसानिमित्त अनोखा उपक्रम : रक्तदान शिबिरातून सामाजिक बांधिलकीचा संदेश

हॅलो जनता न्यूज, पाचोरा : पाचोरा-भडगाव विधानसभा मतदारसंघाचे आमदार किशोर पाटील यांच्या वाढदिवसानिमित्त समाजोपयोगी उपक्रमाचे आयोजन करून साजरा करण्यात आला. लासगाव ग्रामपंचायतीच्या वतीने आयोजित या कार्यक्रमात इंडियन रेडक्रॉस सोसायटी च्या सहकार्याने भव्य रक्तदान शिबिर लासगाव येथे घेण्यात आले.

या शिबिरात परिसरातील युवक-युवतींसह नागरिकांनी उत्स्फूर्त सहभाग नोंदवला. तब्बल ५१ नागरिकांनी स्वेच्छेने रक्तदान करत समाजासाठी आपला वाटा उचलला. या अनोख्या उपक्रमाचे उपस्थित मान्यवरांनी कौतुक केले. कार्यक्रमस्थळी आमदार किशोर पाटील यांनी स्वतः भेट देऊन रक्तदात्यांना शुभेच्छा दिल्या आणि त्यांच्या कार्याचे अभिनंदन केले. तसेच वाढदिवसाचा केक कापत त्यांनी सर्वांच्या शुभेच्छा स्वीकारल्या.

यावेळी माजी जी. प. सदस्य पदम बापू पाटील,पाचोरा बाजार समितीचे सभापती गणेश पाटील, राजू तायडे, विजयसिंग पाटील, सुभाष तावडे तसेच कुरंगी-बांबरूड गटातील गावांचे सरपंच आणि नागरिक मोठ्या संख्येने उपस्थित होते. कार्यक्रमाचे आयोजन अत्यंत उत्साहात पार पडले असून, वाढदिवस सामाजिक जाणीवेच्या माध्यमातून साजरा करण्याचा आदर्श या उपक्रमातून घालून देण्यात आला.

रक्तदान हेच महादान या संदेशासह पाचोरा परिसरात मानवतेचा सुंदर संदेश देत आमदार किशोर पाटील यांच्या वाढदिवसानिमित्त आयोजित कार्यक्रमाने सर्वांचे लक्ष वेधून घेतले.

इतर महत्वाच्या बातम्या…

🔴 पाचोरा ब्रेकिंग : आगामी निवडणुकांच्या पार्श्वभूमीवर भाजपची बैठक संपन्न…

🔴 ब्रेकिंग : लाचप्रकरणी वनविभागाच्या महिला कर्मचाऱ्यांसह दोन अटकेत

गाळणच्या हितेश पहेलवानचा राष्ट्रीय स्तरावर झेंडा, आता उजबेकिस्तानमध्ये भारताचे प्रतिनिधित्व