भडगाव (प्रतिनिधी)
भडगाव नगरपरिषद सार्वत्रिक निवडणूक २०२५ मध्ये जनसामान्यांच्या थेट मतदानातून निवडून आलेल्या पहिल्या लोकनियुक्त नगराध्यक्षा सौ. रेखाताई प्रदीप मालचे यांचा ‘जय हिंद लोक चळवळ, भडगाव’ च्या वतीने नुकताच सन्मान करण्यात आला. १५११ मतांच्या दणदणीत विजयाने भडगावच्या राजकारणात महिला नेतृत्वाचे एक नवे पर्व सुरू झाले असून, शहराच्या विकासासाठी कटिबद्ध असल्याची ग्वाही नवनियुक्त नगराध्यक्षांनी यावेळी दिली.
या गौरव सोहळ्याला भडगावमधील राजकीय आणि सामाजिक क्षेत्रातील मान्यवरांची उपस्थिती लाभली. रेखाताई मालचे यांनी मिळवलेला विजय हा सर्वसामान्यांच्या विश्वासाचे प्रतीक असल्याचे मत यावेळी मान्यवरांनी व्यक्त केले.
महिला नेतृत्वाचा उदय
थेट जनतेतून नगराध्यक्ष निवडण्याची ही पहिलीच वेळ होती. यात रेखाताईंनी आपल्या प्रतिस्पर्ध्यांवर १५११ मतांचे मोठे मताधिक्य घेऊन विजय मिळवला. त्यांच्या या विजयामुळे शहरात उत्साहाचे वातावरण असून, महिला वर्गातून त्यांचे विशेष स्वागत होत आहे. जय हिंद लोक चळवळीने या विजयाचे कौतुक करत, हा सत्कार शहराच्या उज्ज्वल भविष्याची नांदी असल्याचे म्हटले.
प्रशासनात पारदर्शकता आणणार – रेखाताई मालचे
सत्काराला प्रोत्साहन देताना नगराध्यक्षा रेखाताई म्हणाल्या की, “भडगावच्या जनतेने माझ्यावर जो विश्वास दाखवला आहे, त्याला मी कधीही तडा जाऊ देणार नाही. शहराचा सर्वांगीण विकास, पारदर्शक प्रशासन आणि सर्व घटकांना न्याय देण्याचा माझा प्रयत्न असेल. भगिनी- मातृभावाचे नाते जोपासत सर्वांना सोबत घेऊन शहराचा कायापालट करण्याचा आमचा संकल्प आहे.”
मान्यवरांची उपस्थिती
या सत्कार समारंभाला जय हिंद लोक चळवळीचे समन्वयक अशुतोष पाटील, तुषार पाटील, ॲड. समाधान सोनवणे, गौरव मालचे, अदनान खान यांच्यासह शहरातील कार्यकर्ते मोठ्या संख्येने उपस्थित होते.
इतर महत्वाच्या बातम्या…
भडगावच्या राजकारणात ‘रेखाताईं’चा नवा अध्याय ; हिंद लोक चळवळीच्या वतीने जाहीर सत्कार.
ब्रेकिंग: जळगाव महापालिका निवडणुकीत महायुतीत तिढा कायम, राष्ट्रवादीचा इतक्या जागांचा प्रस्ताव….
ब्रेकिंग : नवनिर्वाचित अपक्ष नगरसेवकाचा शिवसेना शिंदे गटात जाहीर प्रवेश, भडगावात खळबळ….
