💥 ब्रेकिंग : ठाकरे गटाच्या नेत्या वैशाली सूर्यवंशी यांचा शेकडो कार्यकर्त्यांसह भाजपमध्ये भव्य प्रवेश

desk2 weeks ago

0 367 1 minute read

हॅलो जनता न्यूज, मुंबई : ठाकरे गटातील जळगाव जिल्ह्यातील प्रमुख महिला नेत्या वैशाली सूर्यवंशी यांनी अखेर भाजपचा झेंडा हाती घेतला. त्यांच्या समवेत शेकडो कार्यकर्त्यांनी भारतीय जनता पक्षात प्रवेश करून पक्षाला नवा जोम दिला. मुंबई येथील भाजप प्रदेश कार्यालयात झालेल्या या भव्य प्रवेश सोहळ्यासाठी कार्यकर्त्यांची मोठी गर्दी उसळली होती.

या सोहळ्यात भाजपचे प्रदेशाध्यक्ष रवींद्र चव्हाण यांच्या हस्ते वैशाली सूर्यवंशी यांना भाजपमध्ये जाहीर प्रवेश देण्यात आला. यावेळी राज्याचे जलसंपदा मंत्री गिरीश महाजन, पाचोरा तालुक्यातील भाजपचे तालुकाध्यक्ष अमोल शिंदे, तसेच जळगाव जिल्ह्यातील अनेक पदाधिकारी व कार्यकर्ते मोठ्या संख्येने उपस्थित होते.

वैशाली सूर्यवंशी या जळगाव जिल्ह्यातील सक्रिय महिला नेत्या म्हणून ओळखल्या जातात. त्यांच्या नेतृत्वाखाली शेकडो कार्यकर्त्यांनी भाजपमध्ये प्रवेश केल्याने पाचोरा-भडगाव मतदारसंघात भाजपला मोठे बळ मिळाल्याचे मानले जात आहे. विशेष म्हणजे, या प्रवेशानंतर स्थानिक राजकारणात भाजपची ताकद अधिक भक्कम होणार असल्याची चर्चा आहे.

वैशाली सूर्यवंशी यांचा भाजप प्रवेश, काय म्हणाल्या….

प्रवेश सोहळ्यानंतर आपली भावना व्यक्त करताना वैशाली सूर्यवंशी म्हणाल्या, “पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वावर माझा पूर्ण विश्वास आहे. विकासाच्या वाटचालीत सहभागी होण्यासाठी मी भाजपमध्ये प्रवेश केला असून माझ्या कार्यकर्त्यांसह पक्षासाठी प्रामाणिकपणे काम करणार आहे.”

स्थानिक स्वराज्य संस्थांच्या निवडणुकांच्या पार्श्वभूमीवर या प्रवेशामुळे ठाकरे गटाला मोठा धक्का बसला असून जळगाव जिल्ह्यातील आगामी राजकीय समीकरणांमध्ये बदल होण्याची शक्यता वर्तवली जात आहे.

इतर महत्वाच्या बातम्या….

💥नहीं भो ताईले ईडी नी भीती दाखाडी हुई म्हणून भाजपमा प्रवेश… मतदार संघात चर्चांना उधाण

💥स्तुत्य उपक्रम : बैलपोळा सणानिमित्त शेतकऱ्यांना बैलाचा साज साहित्य वाटपाचा कार्यक्रम संपन्न

💥ब्रेकिंग : लंडनमध्ये भूमिपुत्र रोहित निकम यांना सहकार क्षेत्रातील उल्लेखनीय कामगिरी बद्दल ‘महाराष्ट्र रत्न पुरस्कार’ प्रदान