💥 ब्रेकिंग : शाळेच्या मैदानावर नववीच्या विद्यार्थ्याचा मृत्यू; मारहाणीचा संशय, नातेवाईकांचा आरोप

हॅलो जनता न्यूज, जळगाव :- शहरातील नामांकित रावसाहेब रूपचंद विद्यालय (आर.आर. विद्यालय) मध्ये दुपारी घडलेल्या एका दुर्दैवी घटनेने संपूर्ण जळगाव शहरात खळबळ उडाली आहे. शाळेच्या मैदानावर खेळत असताना नववीत शिकणाऱ्या कल्पेश वाल्मिक इंगळे (वय १५) या विद्यार्थ्याचा अचानक मृत्यू झाल्याची घटना समोर आली आहे.

नेहमीप्रमाणे सकाळी शाळेत आलेला कल्पेश दुपारच्या सुट्टीत मैदानात इतर विद्यार्थ्यांसोबत खेळत असताना अचानक खाली कोसळला. हे लक्षात येताच शिक्षकांनी तत्काळ त्याला रुग्णालयात दाखल केले, मात्र डॉक्टरांनी तपासणीनंतर त्याला मृत घोषित केले.

या घटनेनंतर शाळेत आणि परिसरात शोककळा पसरली असून, मृत्यूमागचं नेमकं कारण अस्पष्ट असल्याने संभ्रमाचे वातावरण निर्माण झाले आहे. दरम्यान, काही दिवसांपूर्वी कल्पेशचा शाळेतील काही विद्यार्थ्यांसोबत वाद झाल्याची माहिती उघड झाली असून, त्यावरून कल्पेशच्या नातेवाईकांनी मारहाणीतून मृत्यू झाल्याचा आरोप केला आहे. तसेच शाळेतील सीसीटीव्ही फुटेजची चौकशी करावी व सत्य परिस्थिती समोर आणावी, अशी जोरदार मागणी पालक आणि नातेवाईकांकडून करण्यात आली आहे.

पोलिसांनी घटनेचा पंचनामा केला असून शवविच्छेदन अहवालासाठी मृतदेह जिल्हा रुग्णालयात पाठवण्यात आला आहे. पुढील तपास सुरू असल्याचे पोलिसांकडून सांगण्यात आले आहे. या घटनेमुळे विद्यार्थ्यांत भीतीचं वातावरण पसरलं आहे.

इतर महत्वाच्या बातम्या…

💥 ब्रेकिंग : महिला बचत गटांसाठी ‘बहिणाई मार्ट’, पाचोऱ्यात भूमिपूजन सोहळ्याचे आयोजन

जिल्ह्यात पुन्हा गोळीबाराचा थरार : मनुदेवी फाट्याजवळ हॉटेल मालकावर गोळीबार

मागासवर्गीय कर्मचारी महासंघाची नवीन कार्यकारिणी जाहीर, अरुण सपकाळे यांची कार्याध्यक्षपदी फेरनिवड