भडगाव प्रतिनिधी : यशकुमार पाटील
भडगाव : शहरातील खालची पेठ येथे वारकरी संप्रदायाच्या परंपरेनुसार संत तुकाराम महाराज बीज च्या पर्वकाळात वारकरी अखंड हरिनाम कीर्तन सप्ताह मोठ्या उत्साहात आयोजित करण्यात आला आहे. या सप्ताहाची सुरुवात फाल्गुन पौर्णिमा ५ मार्च २०२६, गुरुवार रोजी होणार असून समारोप १२ मार्च २०२६, गुरुवार रोजी होणार आहे. यंदा या कीर्तन सप्ताहाचे १० वे वर्ष असल्याने भक्तांमध्ये विशेष उत्साह पाहायला मिळत आहे.
या सप्ताहात दररोज सकाळी ५ ते ६ काकडा आरती, संध्याकाळी ६ वाजता हरिपाठ तर रात्री ९ ते ११ या वेळेत कीर्तन सेवा होणार आहे. या सप्ताहात विविध भागातील नामवंत कीर्तनकारांची कीर्तन सेवा आयोजित करण्यात आली आहे.
यामध्ये ह.भ.प. धनश्रीताई शिंदे, भडगावकर ह.भ.प. भाग्यश्रीताई पाटील, कळवाडी ह.भ.प. संदीपजी महाराज पवार,कन्नड ह.भ.प. भूमिकाताई पाटील, साक्री ह.भ.प. चेतनजी महाराज बोसरे, मालेगाव ह.भ.प. दिनेशजी महाराज, कंचनपुर ह.भ.प. शैलाताई महाराज अमळनेर व ह.भ.प. राजेंद्रजी महाराज कासोदा यांचे कीर्तन होणार आहे.
तसेच ११ मार्च रोजी पालखी सोहळा तर १२ मार्च रोजी काल्याचे कीर्तन व महाप्रसाद असा कार्यक्रम होणार आहे. या धार्मिक सोहळ्यासाठी परिसरातील वारकरी, भाविक आणि ग्रामस्थांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांकडून करण्यात आले आहे.
या सप्ताहाचे आयोजन सर्व साधक, वारकरी व ग्रामस्थ मंडळ, खालची पेठ भडगाव यांच्या सहकार्याने करण्यात आले आहे.
