🚨 ब्रेकिंग : भाजप स्वबळावर निवडणुक लढविण्याच्या तयारीत, बैठकीत नेमकं काय घडलं…

हॅलो जनता न्यूज, जळगाव – जिल्हा परिषदेच्या निवडणुकीची रणधुमाळी सुरू झाली असून, भाजपमध्ये स्वबळावर निवडणूक लढविण्याचा ठाम सूर उमटला आहे. जिल्हा परिषदेच्या गट आरक्षणात जळगाव तालुक्यातील दोन महत्त्वाचे गट भाजपसाठी आरक्षित झाल्याने काही प्रबळ दावेदारांची उमेदवारी थांबली असली, तरी पक्षाच्या बैठकीत कार्यकर्त्यांनी स्वबळावर लढण्याचा निर्धार व्यक्त केला.

मंगळवारी भाजप समन्वय समिती व जिल्हा परिषदेच्या इच्छुकांची संयुक्त बैठक जिल्हाध्यक्ष डॉ. राधेश्याम चौधरी यांच्या अध्यक्षतेखाली झाली. या बैठकीत प्रत्येक गटातून इच्छुक उमेदवारांची चाचपणी करण्यात आली. कार्यकर्त्यांनी युतीपेक्षा स्वबळावर मैदानात उतरावे, असा ठाम आग्रह धरला.

भाजप निवडणूक : जळगाव तालुक्यातील दोन गट आरक्षित झाल्याने …

जळगाव तालुक्यातील कानळदा गटातून ॲड. हर्षल चौधरी आणि आसोदा गटातून पक्षाचे जिल्हा सरचिटणीस राजू सोनवणे हे उमेदवारीसाठी सक्रिय तयारीत होते. मात्र, हे दोन्ही गट आरक्षित झाल्याने त्यांची उमेदवारी रद्दबातल ठरली आहे. परिणामी, पक्षाला नव्या उमेदवारांचा शोध घ्यावा लागत आहे.

बैठकीस उपस्थित राहिलेले राजू सोनवणे, तालुकाध्यक्ष मिलिंद चौधरी, भाऊसाहेब पाटील, लालचंद पाटील आदी पदाधिकारी यांनी गटनिहाय चर्चा केली. काही कार्यकर्त्यांनी युतीचा विचार मांडला असला तरी बहुसंख्यांनी “भाजप सक्षम आहे; आपण स्वबळावर लढू शकतो,” असा ठाम विश्वास व्यक्त केला.

भाजप युती बाबत निर्णय वरिष्ठ पातळीवर घेणार…

डॉ. राधेश्याम चौधरी यांनी सांगितले की, “पक्षाची ताकद गावागावात पोहोचली आहे. सर्व गटनिहाय इच्छुकांची चाचपणी सुरू आहे. युतीबाबतचा अंतिम निर्णय भाजप नेते व मंत्री गिरीश महाजन घेतील.” जिल्हा परिषद गटांचे आरक्षण जाहीर झाल्यानंतर, पक्षाची रणनीती नव्याने आखण्यात येत आहे. गटवार इच्छुकांची यादी तयार करण्यासोबतच आगामी निवडणुकीसाठी कार्यकर्त्यांना संघटनबळ वाढविण्याचे निर्देश देण्यात आले आहेत.

इतर महत्वाच्या बातम्या…

🛑 ब्रेकिंग: महापालिका सार्वत्रिक निवडणूक: मतदार यादी कार्यक्रमाचे वेळापत्रक जाहीर

🚨 ब्रेकिंग : आगामी निवडणुकांच्या पार्श्वभूमीवर भाजपला मोठा धक्का, जळगावचे राजकारण बदलणार….

🚨 ब्रेकिंग : जळगावात ठाकरे सेनेला मोठा धक्का, आमदार किशोर पाटील यांची ताकद वाढली..